Le 10 Sport portalining yozishicha, Italiyaning "Milan" klubi Fransiyaning "Pari Sen-Jermen" klubidan yarim himoyachi Ismoil Bennaserga tushgan taklifga rad javob berdi.
Fransiya chempionlari 22 yoshli jazoirlik futbolchining transferi uchun 30 million yevro sarflashga tayyor, ammo, "rossonerlar" yarim himoyachini o‘z safida ushlab qolishmoqchi.
Eslatib o‘tamiz, Bennaserning amaldagi shartnomasi 2024 yilning yozigacha amal qiladi.