«Bavariya» bosh murabbiyi Xans Flik 29-turdan o‘rin olgan «Fortuna»ga qarshi o‘yin oldidan hujumchi Robert Levandovski bilan bo‘lgan suhbat haqida gapirib o‘tdi.
«Robertga shu paytga qadar uni «Fortuna» darvozasiga yo‘l topa olmaganini matbuotdan eshitib hayron qolganimni aytdim. Iloji boricha, buni tezroq to‘g‘rilashi kerakligini ta’kidladim. Albatta, u gapimni qulog‘iga oldi va uddaladi», — deya Flikning so‘zlarini keltiradi «Goal» nashri.
Eslatib o‘tamiz, kecha bo‘lib o‘tgan o‘yinda myunxenliklar Dyusseldorfning «Fortuna»siga javobsiz beshta gol urdi. Ulardan ikkitasi Levandovski hisobiga yozildi.
