Kataloniyaning «Barselona» klubi himoyachisi Serxi Roberto La Liga bo‘sh tribunalarda davom ettirishi haqidagi fikrlari bilan o‘rtoqlashdi.
«Bo‘sh tribunalar qarshisida o‘ynash noodatiy bo‘ladi. Muxlislarsiz futbol avvalgilariga o‘xshamaydi.
Biz o‘zimiz uchun o‘ynaymiz, ammo, ayni paytda muxlislar uchun va stadionda bizning o‘yinlarni tomosha qilib zavq oladigan insonlar uchun o‘ynashimiz kerak.
Ammo, ular stadionda bo‘lmasalar ham, o‘z uylarida bizni qo‘llab-quvvatalashayotganini his qilamiz.
Muxlislarimiz oson bo‘lmagan hozirgi paytda xursand bo‘lishlari uchun bor kuchimizni ishga solamiz», – dedi Roberto «Barselona» klubi rasmiy saytiga.
