Angliyaning "Lester" klubi futbolchisi Ben Chiluell «Chelsi»ning transfer oynasidagi asosiy maqsadi bo‘lib turibdi. Endi futbolchiga «Manchester Siti» klubi ham davogarlik qilishni boshladi. "Shaharliklar" bosh murabbiyi Xosep Gvardiola chap qanot himoyasiga mukammal futbolchi olib kelmoqchi.

Lekin, muammo shundaki, «Lester» o‘z futbolchisi uchun 85 million funt talab qilmoqda. Agar bu bitim amalga oshadigan bo‘lsa, u holda eng qimmat transferga aylanishi mumkin, chunki, hali Chiluella pozisiyasida o‘ynaydigan hech bir futbolchi bunday katta mablag‘ evaziga boshqa klubga ko‘chib o‘tmagan.

«Chelsi» futbolchi uchun ushbu poygadan chetga chiqishi mumkin. Chunki, «Lester» Ben uchun yaxshi shartnoma taklif qilishi kutilmoqda, qolaversa, u o‘zini "tulkilar" safida qulay his qilmoqda.