O‘zbekiston professional futbol ligasi bosh direktor vazifasini bajaruvchi Diyor Imomxo‘jayev UzReport kanalidagi sharhlovchilik faoliyatini ma’lum vaqtga to‘xtatishini ta’kidladi.

"Kecha UzReport sharhlovchilari guruhida La liga va Key liganing navbatdagi tur o‘yinlari taqsimoti bo‘lib o‘tdi.   

So‘nggi 20 kun davomida telekanalga borishga imkon topa olmadim. Koronavirus davrida ichki chempionat o‘yinlarini tiklash murakkab ish. Shundan kelib chiqib, UzReport telekanalidagi faoliyatimda tanaffus yuzaga keladi. Mazkur telekanal hayotimning muhim bo‘lagi hisoblanadi va u bilan hamkorlik to‘xtamaydi, imkoni topilganda studiyalarda ishtirok etaman. Unga qadar esa asosiy vaqtimni O‘zPFL bilan o‘tkazaman. Vaqti kelib postni topshirayotganda yuzimiz yorug‘ bo‘lishi uchun harakat qilaman", — deya yozdi D.Imomxo‘jayev o‘zining telegramdagi kanali orqali.