Milliy chempionatizda ishtirok etishni boshlaganidan beri hali biror marotaba ham quyi ligaga tushib ketmagan Bekobodning “Metallurg” klubi yurtimizda yuqori divizionda ishtirok etib kelayotgan kam sonli jamoalarizdan biri hisoblanadi.

21 iyun kuni “Andijon” jamoasi Superliganing 5-turini “Sog‘lom Avlod” stadionida Bekobodning “Metallurg” jamoasini qabul qiladi.

Quyida ushbu jamoalarning Oliy ligada shu kungacha necha marotaba to‘qnash kelgani to‘g‘risidagi statiskasi bilan tanishishingiz mumkin bo‘ladi.

“Andijon” hamda “Metallurg” jamoalari shu kungacha o‘zaro 36 marotaba bahs olib borishgan. O‘tkazilgan uchrashuvlarning 14 tasida bekobodliklar zafar quchgan bo‘lsalar, 12 uchrashuvda “Andijon” jamoasining qo‘li baland kelgan. 10 ta uchrashuvda esa tomonlar murosa ko‘chasini tanlashgan.

“Metallurg” jamoasi “Andijon” darvozasi tomon 60 marotaba yo‘l topgan bo‘lsa, “Andijon” esa raqibi darvozabonlarini 54 marotaba “hafa” qilishga erishgan.

“Andijon” jamoasi “Metallurg” ustidan 3:0, 4:1 hisobida yirik hisoblarda g‘alaba qozongan, “Metallurg” esa 5:1 hisobida yirik hisobda g‘olib chiqqan.

“Andijon” – “Metallurg” jamoalarining so‘nggi – o‘tgan yili Bekobod shahrida bo‘lib o‘tgan uchrashuvida jamoamiz 0:2 hisobida g‘alaba qozongan edi.