Миллий чемпионатизда иштирок этишни бошлаганидан бери ҳали бирор маротаба ҳам қуйи лигага тушиб кетмаган Бекободнинг “Металлург” клуби юртимизда юқори дивизионда иштирок этиб келаётган кам сонли жамоалариздан бири ҳисобланади.

21 июнь куни “Андижон” жамоаси Суперлиганинг 5-турини “Соғлом Авлод” стадионида Бекободнинг “Металлург” жамоасини қабул қилади.

Қуйида ушбу жамоаларнинг Олий лигада шу кунгача неча маротаба тўқнаш келгани тўғрисидаги статискаси билан танишишингиз мумкин бўлади.

“Андижон” ҳамда “Металлург” жамоалари шу кунгача ўзаро 36 маротаба баҳс олиб боришган. Ўтказилган учрашувларнинг 14 тасида бекободликлар зафар қучган бўлсалар, 12 учрашувда “Андижон” жамоасининг қўли баланд келган. 10 та учрашувда эса томонлар муроса кўчасини танлашган.

“Металлург” жамоаси “Андижон” дарвозаси томон 60 маротаба йўл топган бўлса, “Андижон” эса рақиби дарвозабонларини 54 маротаба “ҳафа” қилишга эришган.

“Андижон” жамоаси “Металлург” устидан 3:0, 4:1 ҳисобида йирик ҳисобларда ғалаба қозонган, “Металлург” эса 5:1 ҳисобида йирик ҳисобда ғолиб чиққан.

“Андижон” – “Металлург” жамоаларининг сўнгги – ўтган йили Бекобод шаҳрида бўлиб ўтган учрашувида жамоамиз 0:2 ҳисобида ғалаба қозонган эди.