Angliya chempionligini qo‘lga kiritish uchun 2 qadam masofada turgan «Liverpul» restartdan keyingi ilk o‘yinda g‘alaba qozona olmadi.

«Everton»ga qarshi bo‘lib o‘tgan Mersisayd derbisida hisob ochilmadi. Birinchi bo‘limda Klopp shogirdlarida 2ta golga tortadigan vaziyat bo‘ldi, ammo ular bu imkoniyatdan foydalana olishmadi. O‘yin so‘ngida esa mezbonlar supermomentdan foydalana olishmadi: to‘p ustunga tegib qaytdi.

Bugungi durang tufayli "Liverpul" o‘z ochkolarini 83taga yetkazdi hamda 2-pog‘onada "Manchester Siti"dan 23 ochko oldinda bormoqda. Chempionlik uchun "qizillar"ga endi 5 ochko kerak bo‘ladi.

Angliya chempionati, 30-tur
Everton – Liverpul 0:0 (0:0, 0:0)
Everton – Pikford, Xolgeyt, Koulmen, Kin, Din, Ivobi (Bernard, 88), Devis, Gordon (Sigurdsson, 60), Andre Gomesh, Risharlison, Kelvert-Lyuin (Kin, 90).
Liverpul – Alisson, van Deyk, Aleksander-Arnold, Matip (Lovren, 73), Milner (Gomes, 43), Xenderson, Keyta (Veynaldum, 65), Mane, Fabinyo, Minamino (Oksleyd-CHemberlen, 46), Firmino (Origi, 65).
Ogohlantirishlar: Milner (20), Kin (40), Din (61), Origi (85).