Angliya Kubogi chorak final bosqichida "Arsenal" safarda "Sheffild Yunayted" mag‘lub etib, yarim final yo‘llanmasini qo‘lga kiritdi.
O‘yinning 25-daqiqasida Pepe penaltini golga aylantirdi. Tanaffsga jamoalar 1:0 hisobida yo‘l olishdi.
Uchrashuvning 87-daqiqasida sheffildliklar hisobni tenglashtirdi. Barchasi qo‘shimcha bo‘limlar tomon ketayotgan bir vaqtda Dani Sebalyos hakam tomonidan qo‘shib berilgan daqiqalarda to‘p kiritib, londonliklarga g‘alaba keltirdi.
Angliya Kubogi, ¼ final bosqichi
28 iyun, yakshanba
«Sheffild Yunayted» — «Arsenal» 1:2
Gollar: 0:1 – 25, penalti Pepe, 1:1 – 87 Makgoldrik, 1:2 – 90+1 Sebalyos.
«Sheffild Yunayted»: Henderson, Boldok (Frimen, 62), Robinson, Igan, Stivens, Landstryom (Berge, 35), Norvud, Flek, Bashem (Sharp, 76), Makberni, Makgoldrik.
«Arsenal»: Martines, Kolashinas, David Luiz (Holding, 54), Mustafi, Meytlend-Naylz, Jaka, Uillok (Sebalyos, 67), Pepe (Papastatopulos, 90), Tirni, Lyakazett (Nketia, 67), Saka.
Ogohlantirishlar: Flek (31), Robinson (75).
