Ukraina birinchi ligasi doirasida bo‘lib o‘tgan «Agrobiznes» - «Minay» jamoalari o‘rtasidagi uchrashuv katta mojaro bilan yakunlandi. Uchrashuv yakuniga yetgach, bosh hakam Yuriy Ivanov o‘z kiyinish xonasida do‘pposlandi deya xabar bermoqda Isport.ua sayti.
Ivanov «Agrobiznes» jamoasining 8 nafar futbolchisiga sariq kartochka ko‘rsatdi, shuningdek, ularning darvozasi tomon penalti qo‘yib berdi.
Uchrashuvda «Agrobiznes» jamoasi 0:2 hisobida mag‘lubiyatga uchradi. Bu ikki jamoa Ukraina Oliy ligasiga beriladigan yo‘llanma uchun kurash olib borishmoqda.
Qayd etilishicha, hakam Yuriy Ivanov kaltaklanganligini videotasvirga olib, polisiyaga murojaat qilgan. Huquqni muhofaza qilish organi xodimlari vaziyatni sinchkovlik bilan o‘rganib chiqmoqda.
