Украина биринчи лигаси доирасида бўлиб ўтган «Агробизнес» - «Минай» жамоалари ўртасидаги учрашув катта можаро билан якунланди. Учрашув якунига етгач, бош ҳакам Юрий Иванов ўз кийиниш хонасида дўппосланди дея хабар бермоқда Isport.ua сайти.

Иванов «Агробизнес» жамоасининг 8 нафар футболчисига сариқ карточка кўрсатди, шунингдек, уларнинг дарвозаси томон пенальти қўйиб берди.

Учрашувда «Агробизнес» жамоаси 0:2 ҳисобида мағлубиятга учради. Бу икки жамоа Украина Олий лигасига бериладиган йўлланма учун кураш олиб боришмоқда.

Қайд этилишича, ҳакам Юрий Иванов калтакланганлигини видеотасвирга олиб, полицияга мурожаат қилган. Ҳуқуқни муҳофаза қилиш органи ходимлари вазиятни синчковлик билан ўрганиб чиқмоқда.