O‘zbekiston Coca Cola Superligasi 10-turidan o‘rin olgan “Navbahor” va “Surxon” jamoalari o‘rtasidagi uchrashuv Toshkent shahrida bo‘lib o‘tadi. Ayni paytda yuzaga kelgan holatdan kelib chiqqan holda, har ikki klub o‘zaro kelishgan holda, shunga qaror qilishdi.

Taqvimga ko‘ra, o‘yinga “Surxon” klubi mezbonlik qilishi kerak edi. O‘zaro kelishuvga ko‘ra, “Navbahor” birinchi davrada rasmiy mezbon vazifasini o‘taydi. Ikkinchi davradagi bahsda esa “Surxon” mezbonlik qiladi va bu o‘yin ham Toshkentda o‘tkaziladi.

10-turdan o‘rin olgan “Navbahor” – “Surxon” uchrashuvi 21 iyul kuni Toshkentdagi “Lokomotiv” stadionida soat 19.00da boshlanadi.

 Yoshlar o‘rtasidagi bahs esa 20 iyul kuni soat 18.00da “Bunyodkor” akademiyasi maydonida start oladi.

“Navbahor” PFK matbuot xizmati.