Italiya chempionatining 34-tur uchrashuvida "Yuventus" "Lasio"ni qabul qilib, 2:1 hisobida g‘alaba qozondi.
Uchrashuvda "Yuventus"ning har ikkala goliga Krishtianu Ronaldu mualliflik qildi. Shu tariqa Ronaldu A Seriyadagi gollari sonini 50 tadan oshirib oldi va "Milan" sobiq hujumchisi Andrey Shevchenkoning rekordini yangiladi. 50 ta to‘p kiritish uchun Shevchenkoga 69 ta o‘yin kerak bo‘lgan bo‘lsa, Ronalduga 61 ta uchrashuv kifoya qildi.
Eslatib o‘tamiz, Krishtianu joriy mavsum Italiya chempionati bahslarida 30 ta uchrashuvda maydonga tushib, 30 ta gol urgan va 5 ta golga hammualliflik qilgan. Uning klub bilan shartnomasi 2022 yilning yoziga qadar amal qiladi.
