Xabaringiz bor, bugun O‘zbekiston Kubogi guruh bosqichi uchun qur’a tashlash marosimi bo‘lib o‘tdi. Qur’a natijasiga ko‘ra jamoamiz bilan birgalikda «Surxon», «Qizilqum» hamda «Mash’al» jamoalari «B» guruhidan o‘rin olishdi.
Jamoamiz bosh murabbiyi Ro‘ziqul Berdiyev bugungi qur’a haqida o‘z fikrlari bilan o‘rtoqlashdi.
“O‘zbekiston kubogi uchun bo‘lib o‘tgan qur’a tashlash marosimini kuzata olmadim. Chunki jamoamiz bilan kechki mashg‘ulotlarni olib borayotgandik. Qur’a natijalari bilan internetda tanishdim. O‘ylaymanki guruhdagi jamoalar bir-birlariga mos tushishdi. Kubok uchun kurashlar murosasiz kechadi. Ko‘p jamoalar kubokni qo‘lga kiritishni o‘z oldilariga maqsad qilishadi. Bu yilgi futbol mavsumi shuni ko‘rsatayabdiki ko‘p jamoalarning kuchlari tenglashgan. Shuning uchun kubok uchun bo‘ladigan kurash chempionatimizdan-da qiziqarliroq bo‘ladi”,- deydi Ro‘ziqul Berdiyev.
