«Yuventus» bosh murabbiyi Maurisio Sarri «Kalyari»ga qarshi o‘yin (0:2) borasida o‘z fikrini bildirib, nima uchun Ronalduga dam bermaganiga izoh berdi.
«Men kecha u bilan gaplashdim. Unda ishtiyoq yuqori, o‘zini yaxshi his qilayotgan edi va o‘ynashni istadi. U birgalikdagi qaror bo‘ldi. Boshqalardan ko‘ra u o‘z organizmini yaxshi biladi.
Ronaldu ichki sezgisiga asoslanib harakat qiladi. U taktik sxemaga to‘liq tushmaydi. Bu esa uning ijobiy tomonlaridan biri hisoblanadi. Lekin bunday holatda boshqa forvard Krishtianuning harakatlariga moslashishi kerak. Bugun bu borada ishlarimiz o‘xshadi, ammo hujumni yakunlashda muammoga duch keldik», – dedi Sarri.