"The Sun" nashri 2020 yilda Yevropaning to‘purar futbolchilari bitta gol urish uchun qancha vaqt sarflaganini hisoblab chiqdi. Bunda o‘yinchining maydonda o‘tkazgan vaqti urgan gollari soniga bo‘lindi.
Reytingda «Atalanta» hujumchisi Luis Muriyel yetakchi bo‘ldi. Kolumbiyalik futbolchi joriy kalendar yilda zaxiradan tushib gollar urgani bilan mutaxassislarning e’tiborini tortdi. U 487 daqiqa maydonda harakat qilib, 8ta gol urdi. Bitta gol urish uchun unga o‘rtacha 61 daqiqa kerak bo‘ldi.
Bu borada ikkinchi pog‘onani «Sampdoriya» forvardi Federiko Bonassoli band etdi. U 387 daqiqada 5ta gol urdi (o‘rtacha bitta gol uchun 77 daqiqa).
«Yuventus» hujumchisi Krishtianu Ronaldu esa kuchli uchlikka kirdi. Portugaliyalik futbolchi 2020 yilda 21ta gol urdi va buning uchun 1693 daqiqa sarfladi (bitta golga — 81 daqiqa).
Shsningdek, Dortmundning «Borussiya» klubi hujumchisi Erling Xoland ham bitta gol uchun o‘rtacha 81 daqiqa sarfladi (1059 daqiqada 13ta gol).
2019/2020 yilgi mavsumda «Oltin butsa»ni qo‘lga kiritgan Chiro Immobile esa ushbu reytingda 10-o‘rinni egalladi. Italiyalik futbolchi 2020 yilda 19ta gol urdi va buning uchun 1882 daqiqa sarfladi (o‘rtacha 99 daqiqa).
