Angliyaning «Manchester Yunayted» klubi bosh murabbiyi Ole-Gunnar Sulsher Yevropa Ligasining 1/4 final doirasida «Kopengagen» klubiga qarshi uchrashuvdan keyingi fikrlari bilan o‘rtoqlashdi.
«Bu joriy mavsumdagi uchinchi yarim finalimiz, shu sababli, natijadan qoniqdim. Biz haqli ravishda yo‘l oldik.
O‘yin oson kechgani yo‘q. «Kopengagen» darvozaboni uchrashuvni ajoyib tarzda o‘tkazdi, juda ko‘plab golli vaziyatlarimizda jamoasi joniga oro kirdi.
Raqib yaxshi shakllangan jamoa, shuning uchun biz sabr qilishimizga to‘g‘ri keldi. Uchrashuvdagi albatta qulay vaziyatga ega bo‘lishimizni va undan unumli foydalanishimizni bilgandik», - dedi Sulsher.
«Manchester Yunayted» Yevropa Ligasining yarim finalida «Vulverxempton» hamda «Sevilya» jamoalari g‘olibi bilan bahs olib boradi.
