«Manchester Siti» klubi 2019/2020 yilgi mavsumda muvaffaqiyatsizlikka uchragan bo‘lsa-da, rahbariyat jamoa bosh murabbiyi Pep Gvardiolani iste’foga chiqarmoqchi emas.

"The Telegraph" tarqatgan xabarga ko‘ra, «Siti» rahbariyati 49 yoshli mutaxassisga ishonch bildirishda davom etadi.

Bundan tashqari, klub Gvardiola bilan shartnomani uzaytirishni rejalashtirmoqda.  Mutaxassisning mankunianliklar bilan amaldagi shartnomasi 2021 yilda yakuniga yetadi.

«Manchester Siti» bir nechta xaridlarni amalga oshirib, jamoa tarkibini kuchaytirmoqchi. Klubni esa ba’zi futbolchilar tark etishadi.

Gvardiola 2016 yildan buyon «Siti»ni boshqarib kelmoqda. U jamoa bilan ikki marta APL, bir marta Angliya kubogi va uch marta Angliya liga kubogini qo‘lga kiritdi.