Angliya premyer-ligasi klublari tanaffusdan mashg‘ulotlarga qaytishganidan so‘ng bir nechta klublarda koronavirusga chalinganlar aniqlandi.

"The Telegraph" tarqatgan xabarga ko‘ra, o‘tkazilgan tekshiruv natijasida 12ta klubda 14 kishi virus yuqtirgani ma’lum bo‘ldi.

Turli jamoalarning futbolchilari ta’til vaqtida o‘zaro ko‘p muloqotda bo‘lgani, ular ta’tilni birga o‘tkazgani APLni xavotirga solmoqda. Buning oqibatida kasallikka chalinganlar soni oshishi mumkin.

Hozircha test natijasi musbat chiqqan futbolchilar nomi ma’lum qilinmayapti. Kuni kecha «Liverpul»ning bir o‘yinchisida koronavirus aniqlangani haqida xabar berilgan edi.