Himoyachi Tiago Silva faoliyatini "Fiorentina"da davom ettirishi mumkin.
La Gazzetta dello Sport nashrining xabariga ko‘ra, Italiya klubi 35 yoshli braziliyalik futbolchiga yiliga 4 million yevrolik maosh bilan shartnoma taklif qilmoqda.
Eslatib o‘tamiz, Silvaning PSJ bilan shartnomasi joriy mavsum yakunida nihoyasiga yetadi. Fransiya klubi jamoa sardori bilan shartnomani uzaytirmaydi.
Ma’lumot uchun, 2019/20 mavsumda Silva PSJ safida 34 ta o‘yin o‘tkazib 1 ta gol va 1 ta gollik uzatma amalga oshirdi.
