"Barselona" yarimhimoyachisi Rafinya "Lasio" klubi qiziqishlari doirasiga tushdi.

Xabar qilinishicha, Rim klubi David Silva bilan yarim himoyani kuchaytirishga umid qilgandi, ammo so‘nggi daqiqada ispaniyalik futbolchining o‘tishi barbod bo‘ldi.

Endilikda "Lasio" e’tiborini Rafinyaga qaratmoqda. Klub braziliyalik yarim himoyachining transferi uchun 12 million yevro to‘lashga tayyor.

Ma’lumot uchun, o‘tgan mavsumda 27 yoshli yarim himoyachi ijara asosida "Selta"da to‘p surdi, u Ispaniya La Ligasida 32 o‘yinda maydonga tushib, to‘rtta gol va bitta gollik uzatma amalga oshirdi.