Ushbu ruknimizdagi eng so‘nggi yangiliklar bilan tanishtirishda davom etamiz.
Suares “Lester”da?!
Kataloniyaning “Barselona” jamoasi hujumchisi Luis Suares faoliyatini APLda davom ettirishi mumkin.
“Marrca” nashrining ma’lum qilishicha, 33 yoshli hujumchi bilan “Lester” klubi jiddiy qiziqib qolgan va uni qo‘lga kiritish uchun boshqa grandlar bilan raqobat qilishga tayyor.
Manbaning ma’lum qilishicha, Brendon Rojersning shaxsan o‘zi Suares bilan yana hamkorlik qilishni istamoqda. Shu sababli, “tulkilar” urugvaylik hujumchiga 2 yillik shartnoma taklif qilishmoqda.
Eslatib o‘tamiz, Kuman jamoani yoshartirishga qaror qilgach, klub Suaresni 25 million yevro evaziga sotib yuborishga tayyor ekanligi haqida ma’lumotlar paydo bo‘ldi.
Rakitich APLga o‘tmaydi?!
Kataloniya super klubining yana bir yoshi katta futoblchisi – Ivan Rakitich ham Kumanning rejalarida mavjud emas.
Shu sababli, xorvat yangi mavsumni boshqa klubda boshlashi tobora aniqlashib bormoqda. “Mundo Deportivo” nashrining ma’lum qilishicha, “Tottenhem” jamoasi Rakitichni o‘z tarkibida ko‘rmoqchi. Futbolchining oilasi ayni damda, ushbu taklif borasida bosh qotirmoqda.
Manabaning ma’lum qilishicha, futbolchining o‘zi “Sevilya”ga qaytish tarafodori, biroq andalussiyaliklar xorvat bilan aloqaga chiqqanicha yo‘q.
“Chelsi” darvzabon izlamoqda
Angliyaning “Chelsi” jamoasi kelasi mavsumda Kepa Arrisabalaganing o‘rnini egallashga qodir kipper izlamqoda.
Ingliz nashrlarining ma’lum qilishicha, “aristokratlar” nishonida Nik Poup va Andre Onanalar mavjud.
Ayni damda, jamoa Kepa uchun yangi jamoa izlash bilan band. Agar Kepa jamoada qolsa ham, Lepmard yangi darvozabon sotib olish fikridan qaytmoqchi emas.
“Real” futbolchisi nishonda
Angliyaning “Manchester Yunayted” jamoasi transfer huquqi “Real Madrid”ga tegishli bo‘lgan Serxio Regilon bilan shartnoma imzolamoqchi.
Marca nashrining ma’lum qilishicha, “qizil iblislar” Regilon uchun 20-25 million yevro atrofidagi taklifni yubormoqchi.
Eslatib o‘tamiz, o‘tgan mavsumda “Sevilya” sharafini himoya qilgan qanot himoyachisi bilan “Yuventus”, “Tottenhem” va “Milan” klublari ham jiddiy qiziqib qolgan.
Xames “Everton”da!
Madridning “Real” jamoasi yarim himoyachisi Xames Rodriges Liverpulning “Everton” klubi bilan shaxsiy shartnoma borasida kelishuvga erishdi.
“TheSun” nashrining ma’lum qilishicha, 29 yoshli futbolchi yangi jamoasida haftasiga 77,5 ming funt maosh oladi.
Manbaning ma’lum qilishicha, “Everton” ayni damda “Real” bilan kolubliyalik futbolchining transfer summasini kamaytirish borasida muzokaralar olib bormoqda.
Eslatib o‘tamiz, avvalroq “Everton” Xames uchun “Real Madrid”ga 22 million funt taklif qilgani haqida xabar bergan edik.
