Xalqaro futbol assosiasiyalari federasiyasi (FIFA) bugun dunyo terma jamoalarining sentyabr oyidagi reyting jadvalini e’lon qildi. Sentyabr oyida bir nechta terma jamoalar o‘rtoqlik o‘yinlari, Yevropa jamoalari esa Millatlar ligasi doirasidagi uchrashuvlarda ishtirok etishgani bois, reytingda o‘zgarishlar kuzatildi.

O‘zbekiston terma jamoasi Tojikistonga qarshi o‘rtoqlik o‘yinida g‘alaba qozonishi natijasida o‘z hisobidagi ballar sonini 4taga oshirdi, ammo avvalgi reytinglarda bo‘lgani kabi 85-pog‘onani saqlab qoldi. Jamoamiz Osiyo qit’asida 12-o‘rinni egallab turibdi. Qit’amizda Yaponiya (28-o‘rin), Eron (30), Janubiy Koreya (39), Avstraliya (41), Qatar (55) va Saudiya Arabistoni (66), Iroq (70), BAA (71), Xitoy (76), Suriya (79) va Ummon (82) terma jamoalari bizdan yuqori pog‘onalarni band etishgan.

Umumiy reytingni ham Belgiya terma jamoasi boshqarib turibdi. Fransiya va Braziliya kuchli uchlikka, Angliya va Portugaliya termalari esa kuchli beshlikka kirishgan. Urugvay, Ispaniya, Xorvatiya, Argentina va Kolumbiya termalari top-10ga kirishgan.

FIFA reytingi (top-10):

1. Belgiya (1773 ochko)
2. Fransiya (1744)
3. Braziliya (1712)
4. Angliya (1664)
5. Portugaliya (1653)
6. Urugvay (1645)
7. Ispaniya (1642)
8. Xorvatiya (1628)
9. Argentina (1623)
10. Kolumbiya (1622)

Osiyo mamlakatlari reytingi:

28. Yaponiya (1500)
33. Eron (1489)
40. Janubiy Koreya (1464)
42. Avstraliya (1457)
55. Qatar (1396)
67. Saudiya Arabistoni (1351)
70. Iroq (1344)
71. Birlashgan Arab Amirliklar (1334)
76. Xitoy (1323)
79. Suriya (1314)
82. Ummon (1303)
85. O‘zbekiston (1290)