Ushbu ruknimizdagi eng so‘nggi yangiliklar bilan tanishtirishda davom etamiz.

Ryudiger ketadimi?

Londonning «Chelsi» klubi himoyachisi Antonio Ryudiger faoliyatini boshqa klubda davom ettirishi mumkin.

“Sky Sport" nashrining ma’lum qilishicha, futbolchi «Liverpul» bilan o‘yinda zaxiradan ham o‘rin egallamaganidan xavotirda.

Manbaning ma’lum qilishicha, himoyachi Yevropa chempionatida to‘p surish maqsadida doimiy o‘yin amaliyotga ega bo‘lmoqchi.

«Liverpul»ga takliflar «yog‘ilmoqda»

Angliyaning «Liverpul» jamoasi hujumchisi Rian Bryusterga qiziqib qolganlar soni ortmoqda.

“Sky Sport” nashrining ma’lum qilishicha, «Kristan Pelas» jamoasi yosh futbolchi uchun «qizillarga» 19 million funt taklif etmoqda. Boz ustiga, jamoa Bryusterni qaytib sotib olish bandi bilan xarid qilishga ham tayyor.

Eslatib o‘tamiz, 20 yoshli hujumchi o‘tgan mavsumda «Suonsi» tarkibida ijara asosida to‘p surdi va 22 ta o‘yinda maydonga tushdi. Yosh bo‘lishiga qaramay, hujumchi 11 bor raqib darvozalarini ishg‘ol qilishni ham uddaladi.

PSJ Kulibaliga yaqin

Fransyaning PSJ jamoasi «Napoli» himoyachisi Kalidu Kulibali bilan shartnoma imzolashga juda yaqin turibdi.

“The Telegraph" nashrining ma’lum qilishicha, Parij klubi senegallik himoyachi uchun 82 million yevro taklif etmoqda.

Manbaning ma’lum qilishicha, avvalroq «Manchester Siti» Kulibali uchun 72 million yevro taklif etgan, biroq bu summa Italiya klubini qoniqtirmagan.

«Bayer» ishga kirishdi

Leverkuzenning «Bayer» jamoasi “Atletiko” klubi himoyachisi Santyago Aryas bilan shartnoma imzolash niyatidan.

“Kicker” nashrining ma’lum qilishicha, nemis klubi 28 yoshli himoyachini bir mavsumga sotib olish sharti bilan ijaraga olishni rejalashtirmoqda.

Manbaning ma’lum qilishicha, kolumbiyalik futbolchi bilan shuningdek, «Roma» va PSJ jamoalari ham qiziqib qolgan.

«Yunayted» ishga kirishdi

Angliyaning «Manchester Yunayted» jamoasi himoyachisi Aleks Tellas faoliyatini «tumanli albion»da davom ettirishi mumkin.

RMC nashrining ma’lum qilishicha, «qizil iblislar» 27 yoshli futbolchi bilan shaxsiy shartnoma borasida kelishuvga erishgan.

Manbaning ma’lum qilishicha, tez orada klub «ajdarlar» bilan transfer summasi borasida ham kelishuvga erishadi.

Eslatib o‘tamiz, «Portu» klubi o‘z futbolchisi uchun 20 million yevro talab etmoqda, ammo inglizlar shartnomasi yakunlanishiga bir mavsum qolgan futbolchi uchun 10 million yevrodan ko‘p bermoqchi emas.