Coca Cola Superliga 17-turidan o‘rin olgan bahsda “Navbahor” o‘z maydonida Qarshining “Nasaf” jamoasini qabul qiladi. Mazkur uchrashuv oldidan “lochinlar”ning mahoratli hujumchisi Shohruh Mahmudhojiyev bo‘lajak o‘yin borasida o‘z fikrini bildirdi.
- “Nasaf”ga qarshi kechadigan bahslar jamoalar turnir jadvalida qaysi o‘rinda bo‘lishidan qat’i nazar, doimo shiddatli tarzda va keskin kurashlar ostida kechgan. Bo‘lajak bahsning ham shunday ruhda bo‘lib o‘tishi aniq.
O‘zingizga ma’lum, jamoamiz 7ta o‘yindan buyon g‘alaba qozona olmayapti. Shu bois, bugungi o‘yinda ushbu an’anaga barham berish niyatidamiz.
Bo‘lajak bahsda maydonga zafar quchish ishtiyoqida tushib, jamoamizning 7ta o‘yindan iborat g‘alabasiz seriyasiga chek qo‘yib, bugungi o‘yinimizni oynai jahon orqali kuzatib, bizni ruhan va qalban qo‘llab-quvvatlab turadigan muxlislarimizga quvonch ulashish niyatidamiz.
Buni amalga oshirish uchun barcha imkoniyatimizni ishga solamiz.
“Navbahor” PFK matbuot xizmati.
