Coca Cola Суперлига 17-туридан ўрин олган баҳсда “Навбаҳор” ўз майдонида Қаршининг “Насаф” жамоасини қабул қилади. Мазкур учрашув олдидан “лочинлар”нинг маҳоратли ҳужумчиси Шоҳруҳ Маҳмудҳожиев бўлажак ўйин борасида ўз фикрини билдирди.
- “Насаф”га қарши кечадиган баҳслар жамоалар турнир жадвалида қайси ўринда бўлишидан қатъи назар, доимо шиддатли тарзда ва кескин курашлар остида кечган. Бўлажак баҳснинг ҳам шундай руҳда бўлиб ўтиши аниқ.
Ўзингизга маълум, жамоамиз 7та ўйиндан буён ғалаба қозона олмаяпти. Шу боис, бугунги ўйинда ушбу анъанага барҳам бериш ниятидамиз.
Бўлажак баҳсда майдонга зафар қучиш иштиёқида тушиб, жамоамизнинг 7та ўйиндан иборат ғалабасиз сериясига чек қўйиб, бугунги ўйинимизни ойнаи жаҳон орқали кузатиб, бизни руҳан ва қалбан қўллаб-қувватлаб турадиган мухлисларимизга қувонч улашиш ниятидамиз.
Буни амалга ошириш учун барча имкониятимизни ишга соламиз.
“Навбаҳор” ПФК матбуот хизмати.
