Ispaniya chempionatining 3-turidan o‘rin olgan "Betis" va "Real Madrid" jamoalari o‘rtasidagi o‘yin yakunlandi. Mazkur bahsda madridliklar 3:2 hisobida irodali g‘alabaga erishdi.
Uchrashuvning 14-daqiqasida Valverde hisobni ochgan bo‘lsa-da, 35 va 37-daqiqalarda Mandi va Karvalyuning gollari mezbonlarni hisobda oldinga olib chiqdi.
O‘yinning 48-daqiqasida «Betis» futbolchisi Emerson o‘z darvozasini ishg‘ol etib natijani 2:2 ko‘rinishga keltirib qo‘ydi. Oradan 20 daqiqa o‘tib Emerson qizil kartochka olib, maydonni tark etdi.
Uchrashuvning 82-daqiqaga kelib mezbonlarning jarima maydonidagi qo‘polligi uchun belgilangan 11 metrlik nuqtani Serxio Ramos golga aylantirdi va jamoasiga mavsumdagi ilk g‘alabani keltirdi.
Betis – Real Madrid 2:3 (2:1, 0:2)
Gollar: 0:1 – 14 Valverde, 1:1 – 35 Mandi, 2:1 – 37 Vilyam Karvalyu, 2:2 – 48, avtogol Emerson, 2:3 – 82, penalti Ramos.
Betis – Robles, Moreno, Bartra, Mandi, Emerson, Xoakin (Telyo, 63), Rodriges, Vilyam Karvalyu, Kanales, Fekir (Moron, 73), Sanabriya (Montoyya, 69).
Real Madrid – Kurtua, Mendi, Varan, Karvaxal, Ramos, Edegor (Isko, 46), Valverde, Kroos (Modrich, 45), Kazemiro, Yovich (Mayoral, 72), Benzema.
Ogohlantirishlar: Emerson (12), Rodriges (40), Karvaxal (42), Modrich (53), Bartra (81), Kanales (84), Mandi (90).
Chetlatish: Emerson (67).
