"SE" nashrining xabariga ko‘ra, "Rostov" rahbariyati hujumchi Eldor Shomurodov borasida "Jenoa"ning 9 million yevrolik (+bonuslar) taklifini qabul qildi. Kelishuvga ko‘ra rostovliklar Eldor Shomurodovning keyingi transferidan tushadigan 15 foizi miqdoridagi mablag‘ga ham ega bo‘ladi.
Tomonlar Shomurodov transferi uchun to‘lanadigan jami mablag‘ qancha muddat davomida taqsimlab to‘lanishi masalasi borasida bir to‘xtamga kelish qolgan.
Eslatib o‘tamiz, Eldor 2017 yildan buyon "Rostov" safida to‘p surmoqda. Futbolchining shartnomasi 2024 yilga qadar belgilangan.