Coca Cola Superliga 18-turidan o‘rin olgan “Buxoro” – “Navbahor” (0:0) jamoalari o‘rtasidagi uchrashuvdan keyingi matbuot anjumanining ikkinchi qismida “Buxoro” bosh murabbiyi Jamshid Saidov ishtirok etib, jurnalistlarning savollariga javob berdi.
- Birinchi galda ustoz va murabbiylarni bayram bilan tabriklayman. Ularga sog‘lik va salomatlik tilayman. Uchrashuv haqida nima deyishim mumkin? Doimgidek og‘ir o‘yin bo‘ldi. Mazkur uchrashuvga yaxshi tayyorgarlik ko‘rgan edik. “Navbahor”ning qanday kuchga ega jamoa ekanligi ma’lum edi. Albatta, o‘yin davomida taktik va texnik xatolar bo‘ldi. Shunday bo‘lsa-da, shogirdlarimga ajoyib o‘yin va g‘alabaga bo‘lgan xohish uchun rahmat aytmoqchiman.
Bugun jamoamizda uch nafar futbolchi Superligadagi debyutini o‘tkazdi. Biz har bir uchrashuvga oxirgi o‘yinga chiqqandek munosabatda bo‘lyapmiz. Turnir jadvali barchasini aytib turibdi. Birinchi bo‘limda Jasur Hakimov jarohat oldi. Shu bois uni almashtirdim. Shu sababli, ularning o‘rniga yoshlarni tushirishga majbur bo‘ldik. Ha, rejamiz himoyaga e’tibor bergan holda qarshi hujumlardan foydalanish edi. Birinchi bo‘limda rejamiz ish bermadi. Ikkinchi bo‘limda esa vaziyatlarga ega bo‘ldik.
