Angliyaning «Manchester Yunayted» klubi yangi hujumchisi Edinson Kavani buyuk jamoa safiga qo‘shilganidan xursand ekanligini yashirmadi.
«Qiyin vaziyat bo‘lishiga qaramay, ko‘plab klubdan takliflar oldim. Angliyada o‘ynashni juda xohlagan edim. Qolaversa, «Manchester Yunayted»dek jamoa menga qo‘shimcha motivasiya beradi. G‘alaba qozonish istagi hali qaynoq turibdi. Umid qilamanki, jamoa oldiga qo‘yilgan vazifani uddalash uchun yordam beraman. Bo‘ynimda katta ma’suliyat turibdi, chunki, 7-raqam ostida to‘p suraman, bu raqam ostida "MYU" afsonalari to‘p surgan», - dedi Kavani klub matbuot xizmati bilan suhbatda.
