Англиянинг «Манчестер Юнайтед» клуби янги ҳужумчиси Эдинсон Кавани буюк жамоа сафига қўшилганидан хурсанд эканлигини яширмади.

«Қийин вазият бўлишига қарамай, кўплаб клубдан таклифлар олдим. Англияда ўйнашни жуда хоҳлаган эдим. Қолаверса, «Манчестер Юнайтед»дек жамоа менга қўшимча мотивация беради. Ғалаба қозониш истаги ҳали қайноқ турибди. Умид қиламанки, жамоа олдига қўйилган вазифани уддалаш учун ёрдам бераман. Бўйнимда катта маъсулият турибди, чунки, 7-рақам остида тўп сураман, бу рақам остида "МЮ" афсоналари тўп сурган», - деди Кавани клуб матбуот хизмати билан суҳбатда.