Angliyaning "Manchester Yunayted" klubi yangi hujumchisi Edison Kavanini yozgi transfer bozorida Yevropaning beshta klubi bepul o‘z safiga qo‘shib olishni xohlamagani.

Urugvaylik hujumchining "PSJ" bilan iyun oyida amaldagi shartnomasi yakuniga yetgan edi va Kavani erkin agentga aylangandi. Biroq, u o‘ziga yangi jamoa topishdi yetarlicha qiyinchiliklarga duch keldi.

Xabar berilishicha, Kavani «Benfika» va «Atletiko» klublari bilan faol muzokara olib borgan, biroq, u u yakunda «Manchester Yunayted» futbolchisiga aylandi.

Ma’lum bo‘lishicha, «Benfika» va «Atletiko» Kavanining xizmatidan foydalanishdan bosh tortgan.

Bundan tashqari, «Inter», «Real» va «Yuventus» klublari ham urugvaylik hujumchi bilan shartnoma imzolashni xohlamagan.

Vaziyatni taniqli futbol agenti Jorje Mendesh to‘g‘rilagan. Kavani portugaliyalik agent bilan transfer oynasi yakunlanib borayotgan pallada hamkorlik qilishni boshlagan va yakunda aynan Mendeshning yordami bilan «qizil iblislar» futbolchisiga aylangan.