Ushbu ruknimizdagi eng so‘nggi yangiliklar bilan tanishtirishda davom etamiz.
"Liverpul"dan o‘zgacha tanlov
Angliyaning "Liverpul" jamoasi qishki transfer oynasi chog‘ida erkin agent maqomidagi Esekel Garay bilan shartnoma imzolash niyatida.
"Goal" nashrining ma’lum qilishicha, "Liverpul" jamoasi deyarli mavsumni o‘tkazib yuborishi aniq bo‘lib ulgurgan Virjil Van Deykning o‘rnini shu tariqa to‘ldirishni rejalashtirmoqda.
Eslatib o‘tamiz, futbolchining so‘nggi klubi "Valensiya" jamoasi edi. Garay va "ko‘rshapalaklar" yangi shartnoma borasida kelishuvga erisha olmagach, Garay erkin agentga aylangan.
Simionega hujumchi kerak
Madridning "Atletiko" jamoasi ustozi Diyego Simeone "Atalanta" hujumchisi Duvan Sapatani nishonga oldi.
"Goal" nashrining ma’lum qilishicha, "Atletiko Madrid" ustozi "matraschilar" hujumida aynan shu futbolchilar juftligini paydo bo‘lishini istamoqda. Shu bois, Sapataning transferini amalga oshirish borasida rahbariyatga murojaat bilan chiqqan.
Manbaning ma’lum qilishicha, "Atalanta" o‘z futbolchisini 50 million yevro evaziga qo‘yib yuborishga tayyor. Agar ushbu summa "matraschilar"ni qanotlantirsa, transfer qishda amalga oshishi mumkin.
"Chelsi"ga Ginter kerak!
Londonning "Chelsi" transfer oynasi ochilishi bilan "Borussiya M" himoyachisi Mattias Ginter bilan shartnoma imzolamoqchi.
"Sky Sports" nashrining ma’lum qilishicha, London klubi Ginter uchun 35 million yevro sarf etishni rejalashtirmoqda.
Manbaning ma’lum qilishicha, futbolchining o‘zi ham APL jamoasida to‘p surishga qarshi emas, biroq "Borussiya M" o‘z futbolchisini qishda sotishni istamayapti. Jamoaning ayni damdagi asosiy vazifasi YCHLda munosib ishtirok etish. Shunga qaramay, "Chelsi" tomonidan taklif qilishini mumkin bo‘lgan pullar nemislarni o‘ylantirib qo‘yishi mumkin.
"Barsa"ga himoyachi zarur
Kataloniyaning "Barselona" jamoasi qishda markaziy himoyachi sotib olishga qaror qildi.
"Goal" nashrining ma’lum qilishicha, klub nishonida "Siti" himoyachisi Erik Garsiya turibdi. "Siti" o‘z himoyachisini sotishga qarshi emas. Shu bois, transfer qishda amalga oshishi mumkin.
Eslatib o‘tamiz, 19 yoshli futbolchining o‘zi Gvardiola qo‘l ostida to‘p surishni afvzal ko‘rmoqda.
"Arsenal"ga kipper kerak
Londonning "Arsenal" jamoasi Ukrainaning "Shaxtyor" jamoasi darvozaboni Anatoliy Trubin bilan jiddiy qiziqib qoldi.
"The Sun" nashrining ma’lum qilishicha, uning Yevropa Chempionlar ligasidagi o‘yinlari sababli ko‘plab grand jamoalar e’tibor markaziga tushib qoldi.
Manbaning ma’lum qilishicha, 19 yoshli futbolchi bilan "Arsenal"dan tashqari "Chelsi" ham shartnoma imzolamoqchi. "Shaxtyor" o‘z darvozabonini 25 million yevroga sotib yuborishga tayyor.
