Ispaniyaning «Sevilya» klubi yarim himoyachisi Ivan Rakitich «Barselona» hujumchisi Lionel Messi haqida fikr bildirdi.
«Men Messi bilan har doim juda yaxshi munosabatda bo‘lganman. "Barselona"ga yangi kelgan paytimda qandaydir yordam kerak bo‘lsa, bemalol so‘rayverishini aytgan birinchi futbolchi aynan Messi bo‘lgan.
Bu darajadagi futbolchilar o‘yin natijasiga ta’sir ko‘rsatadi. Ular boshqacha, biz ularga g‘amxo‘rlik qilishimiz kerak. Kelajakda bunday futbolchi ko‘rishimiz noma’lum», – dedi Rakitich.
Xorvatiyalik futbolchi «Barselona» tarkibida 2014 yildan 2020 yilgacha to‘p surgan.
