Испаниянинг «Севилья» клуби ярим ҳимоячиси Иван Ракитич «Барселона» ҳужумчиси Лионель Месси ҳақида фикр билдирди.
«Мен Месси билан ҳар доим жуда яхши муносабатда бўлганман. "Барселона"га янги келган пайтимда қандайдир ёрдам керак бўлса, бемалол сўрайверишини айтган биринчи футболчи айнан Месси бўлган.
Бу даражадаги футболчилар ўйин натижасига таъсир кўрсатади. Улар бошқача, биз уларга ғамхўрлик қилишимиз керак. Келажакда бундай футболчи кўришимиз номаълум», – деди Ракитич.
Хорватиялик футболчи «Барселона» таркибида 2014 йилдан 2020 йилгача тўп сурган.
