Angliyaning «Manchester Yunayted» klubi sobiq darvozaboni Peter Shmeyxelning fikricha, klub rahbariyati qishki transfer bozorida faol ishtirok etishlari kerak.

«Ular mos kelmaydi. Unutmang, bu haliyam o‘tish bosqichidagi jamoa. «MYU» hali ham yangi futbolchilarni jalb qilishi kerak. U haliyam o‘zining qahramonini topishi kerak bo‘lgan jamoadir.

«Manchester Yunayted»ning ayrim futbolchilari zo‘r bo‘lishi mumkin, lekin qolgan futbolchilarni boshqa jamoalarga sotib yuborish kerak.

Sulsher «MYU»ni pulsiz o‘nglay olmaydi. Hech kim bu ishni eplay olmaydi, pulsiz hech qaysi murabbiy bu tarkibni raqobatdosh jamoaga aylantira olmaydi», — dedi Shmeyxel.