Angliyaning "Liverpul" klubi matbuot xizmati jamoa yarim himoyachisi Tyago Alkantaraning salomatligi haqida ma’lumot tarqatdi. Gap jiddiy jarohat haqida ketmayapti, ammo, ispaniyalik futbolchi APL doirasida «Manchester Siti» klubiga qarshi bo‘ladigan o‘yinda maydonga tusha olmaydi.
Tyago "Liverpul derbisi"da «Everton» klubiga qarshi uchrashuvda jarohat olgandi. Shu sababli, Alkantara "Liverpul" klubida ham, Ispaniya terma jamoasining o‘yinlarida ham maydonga tusha olmaydi.
Hozircha futbolchining qachon maydonga qaytishi haqida aniq bir ma’lumot yo‘q. Lekin, Angliya matbuotining taxminicha, ispaniyalik yarim himoyachi terma jamoalar tufayli yuzaga keladigan tanaffusdan so‘ng maydonga qaytishi kutilmoqda.
