Ushbu ruknimizdagi eng so‘nggi yangiliklar bilan tanishtirishda davom etamiz.

«Inter» qishda ishga kirishadi

Milanning «Inter» jamoasi qishki transfer oynasi chog‘ida markaziy hujumchi sotib olishni rejalashtirmoqda.

“Tuttosport” nashrining ma’lum qilishicha, jamoa nishonida «Napoli» futbolchisi Arkadiush Milik va «Chelsi» forvardi Oliviye Jirular mavjud.

Manbaning ma’lum qilishicha, «Inter» ushbu transferlarni amalga oshirish maqsadida Vesino, Nainngolan va Eriksenlarni transferga qo‘yadi.

«Liverpul» himoyachi izlamoqda

Angliyaning «Liverpul» jamoasi qishki transferlar chog‘ida markaziy yarim himoyachi sotib olish rejasini amalga oshiradigan ko‘rinadi.

“The Sun” nashrining ma’lum qilishicha, jamoa nishonida «Reding» markaziy yarim  himoyachisi Maykl Olise mavjud. Ushbu futbolchi bilan ayni damda APLning deyarli barcha klublari qiziqib qolganini inobatga olsak, transferni amalga oshirish oson bo‘lmasligi aniq.

Eslatib o‘tamiz, bu mavsumda 18 yoshli Maykl Chempionshipning 10 ta o‘yinida maydonga tushdi va o‘z hisobiga 4 ta gol+3 ta assist yozdirib qo‘ydi. Uning transfer summasi 4,5 million yevroga baholanmoqda.

Hoqon nishonda

Milanning «Milan»jamoasi yarim himoyachisi Hoqon Chalganog‘li bir nechta grand jamoalar nishonida turibdi.

“Corriera Della Sport”nashrining ma’lum qilishicha, futbolchining agenti o‘z mijozining xizmatlarini bir nechta grand klublarga taklif qilgani bois, «Milan» futbolchi bilan yangi shartnoma borasida muzokaralarga kirisha olmayapti.

Manbaning ma’lum qilishicha, ayni damda «Manchester Yunayted» jamoasi yarim himoyachi uchun asosiy da’vogar bo‘lib turibdi. Ayni damda, «Milan» jamoasi futbolchiga yiliga 2,5 million yevro maosh to‘lamoqda. Futbolchining agenti esa, bu summani 6 million yevroga qadar ko‘tarish niyatida.

«Inter» asosiy nishonni aniqlab oldi

Milanning «Inter» jamoasi qishki transfer oynasi ochilishi bilan asosiy urg‘uni maydon markazini kuchaytirishga qodir Ngolo Kantega qaratmoqchi.

Canal+ va Goal nashrlarining ma’lum qilishicha, ushbu transferni shaxsan Antonio Konte talab qilmoqda. Murabbiy o‘z g‘oyalarini amalga oshirish uchun bu transferni juda muhim sanamoqda.

Eslatib o‘tamiz, avvalroq ingliz nashrlarida «Inter» Ngolo uchun Eriksen va  yana 20 million yevro bermoqchi ekanligi haqida xabarlar paydo bo‘lgan edi.

Kutrone qayerga ketmoqchi?

«Fiorentina» jamoasi ijara asosida himoya qilayotgan «Vulverhempton» jamoasi futbolchisi tez orada «Bolonya» bilan shartnoma imzolashi mumkin.

“Goal” nashrining ma’lum qilishicha, ingliz klubi o‘z futbolchisi o‘yin amaliyotga ega bo‘lmayotgani sababli qishda Kutroneni ortga qaytaradi.

Manbaning ma’lum qilishicha, vaziyatdan «Balonya» jamoasi unumli foydalanish maqsadida «bo‘rilar»ga taklif bilan chiqqan va Patrik uchun 100 foiz kafolatlangan o‘yin amaliyotini taklif etmoqda. Ma’lum bo‘lishicha, tomonlar allaqachon «Vulverhempton» bilan shaxsiy shartnoma borasida muzokaralar olib bormoqda.