Kataloniya klubining yosh va iste’dodli o‘yinchisi Riki Puch tez orada jamoani tark etishga yaqin turibdi.

Futbolchi unga yetarlicha o‘yin amaliyoti berilmayotganligidan norozi. O‘z navbatida klub mutasaddilari ham ispaniyalikni qo‘yib yuborishga qarshi emaslar. Bu haqida Kumanning shaxsan o‘zi ham takidlab o‘tgan: "Men uning o‘ziga ham buni tushuntirishga harakat qilib ko‘rdim. Futbolchi hali endi 19 yoshdami, demak, u o‘ynashdan to‘xtab qolmasligi kerak. Bizning jamoada esa hozircha unga joy yo‘q", - deydi mutaxassis. 

Malumot uchun, Puch Ispaniya yoshlar termasiga ham jalb etilmadi va joriy mavsum u "ko‘kanorranglilar" safida atigi bitta o‘yinda maydonga tushgan.