Каталония клубининг ёш ва истеъдодли ўйинчиси Рики Пуч тез орада жамоани тарк этишга яқин турибди.
Футболчи унга етарлича ўйин амалиёти берилмаётганлигидан норози. Ўз навбатида клуб мутасаддилари ҳам испанияликни қўйиб юборишга қарши эмаслар. Бу ҳақида Куманнинг шахсан ўзи ҳам таькидлаб ўтган: "Мен унинг ўзига ҳам буни тушунтиришга ҳаракат қилиб кўрдим. Футболчи ҳали энди 19 ёшдами, демак, у ўйнашдан тўхтаб қолмаслиги керак. Бизнинг жамоада эса ҳозирча унга жой йўқ", - дейди мутахассис.
Маьлумот учун, Пуч Испания ёшлар термасига ҳам жалб этилмади ва жорий мавсум у "кўканорранглилар" сафида атиги битта ўйинда майдонга тушган.