Osiyo futbol konfederasiyasi (OFK) Chempionlar Ligasining 2020 yilgi mavsumi bo‘yicha g‘arb mintaqasining ramziy terma jamoasini e’lon qildi.
Opta hisob-kitoblari asosida tuzilgan ramziy terma jamoadan «Paxtakor» yarim himoyachisi Jaloliddin Masharipov ham o‘rin oldi. Shuningdek, «Persepolis» va «An-Nassr»ning uch nafardan vakili ham top-11 likdan joy oldi.
OCHL—2020 g‘arb mintaqasi ramziy terma jamoasi
Darvozabon: Hamid Lak («Persepolis»);
Himoyachilar: Said Ag‘ai, Shoja Xalilzoda (ikkisi — «Persepolis»), Maykon, Sulton al-G‘annam («An-Nassr»);
Yarim himoyachilar: Jaloliddin Masharipov («Paxtakor»), Kayo («Sharja»), Hassan al-Haydos («As-Sadd»);
Hujumchilar: Almoiz Ali («Ad-Duhayl»), Bag‘dod Bunedja («As-Sadd»), Abdurazzoq Hamdulloh («An-Nassr»).
Eslatib o‘tamiz, sentyabr va oktyabr oyida Qatar maydonlarida Chempionlar Ligasining g‘arb mintaqasi vakillari o‘z o‘yinlarini o‘tkazdi. Unga ko‘ra Eronning «Persepolis» jamoasi final yo‘llanmasiga ega chiqdi. Fors klubi chorak finalda «Paxtakor»ni 2:0 hisobida mag‘lubiyatga uchratgandi.
