Turinning «Yuventus» klubi yarim himoyachisi Xuan Kuadrado «Kalyari» (2:0) ustidan qo‘lga kiritilgan g‘alaba haqidagi fikrlari bilan o‘rtoqlashdi.

«Pirlo biz ko‘proq to‘p bilan muomalada bo‘lishimizni va tez-tez hujumlarga o‘tishimizni xohlamoqda. U bizdan to‘p bilan muomala qilishda zavq olishimizni istamoqda. O‘ylaymanki, buni bosqichma-bosqich amalga oshiramiz. Bizda bir nechta yangiliklar paydo bo‘ldi va biz bunga ko‘nikib boryapmiz.

Asosiysi – natijani qo‘lga kiritish, hattoki o‘yinimiz yaxshi chiqmayotgan paytda ham. Har bir uchrashuvni huddi final kabi o‘tkazishimiz kerak.

Men bir necha yildan beri ushbu klubni o‘z uyimdek qabul qilib kelganman va mana shunday jamoa sardori bo‘lganimdan faxrlanaman. Garchi, tarkibimizda sardorlar ko‘p bo‘lishiga qaramay, maydonda ham, maydon tashqarisida ham yetakchi bo‘lishga harakat qilaman», – dedi Kuadrado.