Туриннинг «Ювентус» клуби ярим ҳимоячиси Хуан Куадрадо «Кальяри» (2:0) устидан қўлга киритилган ғалаба ҳақидаги фикрлари билан ўртоқлашди.
«Пирло биз кўпроқ тўп билан муомалада бўлишимизни ва тез-тез ҳужумларга ўтишимизни хоҳламоқда. У биздан тўп билан муомала қилишда завқ олишимизни истамоқда. Ўйлайманки, буни босқичма-босқич амалга оширамиз. Бизда бир нечта янгиликлар пайдо бўлди ва биз бунга кўникиб боряпмиз.
Асосийси – натижани қўлга киритиш, ҳаттоки ўйинимиз яхши чиқмаётган пайтда ҳам. Ҳар бир учрашувни ҳудди финал каби ўтказишимиз керак.
Мен бир неча йилдан бери ушбу клубни ўз уйимдек қабул қилиб келганман ва мана шундай жамоа сардори бўлганимдан фахрланаман. Гарчи, таркибимизда сардорлар кўп бўлишига қарамай, майдонда ҳам, майдон ташқарисида ҳам етакчи бўлишга ҳаракат қиламан», – деди Куадрадо.
