Ispaniyaning "Betis" klubi futbolchilari La Liganing 10-tur doirasida Bilbaoning "Atletik" klubiga qarshi bo‘lib o‘tadigan uchrashuvdan oldin koronavirus uchun test topshirishdi. Bu haqda klub rasmiy sayti xabar tarqatmoqda.
Topshirilgan test natijalariga ko‘ra, jamoa himoyachisi Aissa Mandida koronavirus borligi aniqlandi. Futbolchi kasallikni alomatlarsiz o‘tkazmoqda va o‘zini yaxshi his qilyapti.
Xavfsizlik protokoliga asosan "Betis" ekspress-test topshirdi va barcha futbolchi hamda klub xodimlarining test natijalari manfiy bo‘lib chiqdi.
Mandi kasallikni asoratsiz o‘tkazayotgan bo‘lishiga qaramay, karantinga olingan.
"Atletik" - "Betis" jamoalari o‘rtasidagi uchrashuv 23 noyabr soat 00:00da bo‘lib o‘tadi.
