Madridning "Real" klubi bosh murabbiyi Zinedin Zidan jamoaning ijobiy natija qayd etishiga nimalar yetishmayotgani haqida fikr bildirdi.
«Mening jamoamda noto‘g‘ri munosabat bilan bog‘liq muammolar bor deb aytmagan bo‘lardim. Bu savolga javob topishga harakat qilaman.
Futbolda jamoa ko‘p narsalar tufayli muammoga duch kelishi mumkin. Ba’zan biz ijobiy natijalarga erishishimizga aniq nima to‘sqinlik qilayotganini anglay olmaymiz. Biz hamma narsani bitta mexanizm sifatida ishlatsak, deyarli mag‘lub bo‘lmasligimizni his qilishimiz kerak. Futbolda barqarorlikka erishish juda qiyin narsa.
Biz har kuni o‘z o‘yinimizni barqaror qilish uchun ishlaymiz. Bu konsentrasiya kabi muhim jihatdir. Bizda ko‘p vaqt yo‘q, ammo bunga erishish uchun hali ham zarur bo‘lgan sa’y-harakatlarni amalga oshiramiz", - dedi Zinedin Zidan.
