Мадриднинг "Реал" клуби бош мураббийи Зинедин Зидан жамоанинг ижобий натижа қайд этишига нималар етишмаётгани ҳақида фикр билдирди.
«Менинг жамоамда нотўғри муносабат билан боғлиқ муаммолар бор деб айтмаган бўлардим. Бу саволга жавоб топишга ҳаракат қиламан.
Футболда жамоа кўп нарсалар туфайли муаммога дуч келиши мумкин. Баъзан биз ижобий натижаларга эришишимизга аниқ нима тўсқинлик қилаётганини англай олмаймиз. Биз ҳамма нарсани битта механизм сифатида ишлатсак, деярли мағлуб бўлмаслигимизни ҳис қилишимиз керак. Футболда барқарорликка эришиш жуда қийин нарса.
Биз ҳар куни ўз ўйинимизни барқарор қилиш учун ишлаймиз. Бу концентрация каби муҳим жиҳатдир. Бизда кўп вақт йўқ, аммо бунга эришиш учун ҳали ҳам зарур бўлган саъй-ҳаракатларни амалга оширамиз", - деди Зинедин Зидан.
