Angliyaning "Liverpul" klubi bosh murabbiyi Yurgen Klopp YECHL doirasida "Ayaks" klubigaga qarshi o‘yin oldidan o‘tkazilgan matbuot anjumanida ishtirok etdi.
"Vaziyat ideallikdan yiroq, ammo yordam kutadigan joy yo‘q va bu nafaqat biz haqimizda emas, balki umuman futbolga tegishli. Biz maydonga 11 nafar futbolchini tushirish imkoniyatiga ega ekanmiz, bor kuchimiz bilan kurashamiz.
Trent Aleksandr-Arnold? Hech kim menga yashil chiroqni yoqmadi, shuning uchun u jamoa bilan mashg‘ulot o‘tkazmaydi. U tiklanish ishlarini olib bormoqda va hozircha hammasi yaxshi ketmoqda. Trent safimizga qaytishga yaqin turibdi.
Tiago Alkantara? Tizzaga berilgan zarba shu qadar qattiq ediki, u hali ham jarohatidan forig‘ bo‘lmadi. Uning lazaretda qancha vaqt bo‘lishini bilmayman, menimcha, bu taxminan ikki hafta.
Futbolni yana jonli efirda tomosha qilish imkoniyatiga ega bo‘lgan ikki ming nafar baxtli muxlislar uchun xursandman. Gap hech qanday ustunlik yoki uning aksi haqida ketmayapti. Hamma narsa bo‘lishi mumkinligi shunchaki yaxshi belgidir. Umid qilamanki bu birinchi qadam bo‘ladi ", - dedi Klopp UYEFA rasmiy saytiga.
