Yevropa Chempionlar Ligasining C va D guruhlarida 1 dekabr, seshanba kuni 5-tur uchrashuvlari bo‘lib o‘tdi.
C guruhida peshqadamlar «Manchester Siti» va «Portu» o‘zaro bahs yuritdi. Uchrashuv davomida hisob o‘zgarmadi va portugallar pley-off yo‘llanmasiga ega bo‘ldi.
«Marsel» esa «Olimpiakos» ustidan irodali g‘alabaga erishgan holda, mag‘lubiyatli seriyasiga chek qo‘ydi.
D guruhida «Liverpul» o‘z uyida «Ayaks»ni qabul qildi. Uchrashuvning 59-daqiqasida Kyortis Jons tomonidan urilgan gol ingliz klubiga g‘alaba keltirdi. Bu orqali mersisaydliklar pley-off masalasini ijobiy hal etdi.
Parallel o‘yinda «Atalanta» kutilmaganda «Mitdyulland»ni yenga olmadi.
Guruhdagi holat shunday ko‘rinish oldi:
1. «Liverpul» — 12 ochko
2. «Atalanta» — 8
3. «Ayaks» — 7
4. «Midtyulland» — 1
Yevropa chempionlar ligasi, 5-tur
"C" guruhi
Portu Portugaliya – «Manchester Siti» Angliya 0:0
«Marsel» Fransiya — «Olimpiakos» Gresiya 2:1
Gollar: 0:1 – 33 Kamara, 1:1 – 55, penalti Payet, 2:1 – 75, penalti Payet.
"D" guruhi
«Liverpul» Angliya — «Ayaks» Niderlandiya 1:0
Gol: 1:0 – 58 Jons.
«Liverpul»: Kellexer, Matip, Robertson, Uilyams, Mane, Veynaldum, Saloh (Uilyams, 90), Henderson, Diogu Jota (Firmino, 68), Jons, Fabinyo.
«Ayaks»: Onana, Talyafiko, Blind (Martines, 86), Mazraui (Xuntelar, 86), Alvares (Labyad, 69), Antoni, Gravenberx, Neres (Traore, 81), Klassen, Tadich, Sxyurs.
Ogohlantirishlar: Sxyurs (42), Blind (55), Veynaldum (70), Henderson (90), Mane (90).
«Atalanta» Italiya — «Midtyulland» Daniya 1:1
Gollar: 0:1 – 13 Shols, 1:1 – 79 Romero.
