Angliya chempionatining 11-turidan o‘rin olgan "Chelsi" va "Lids" jamoalari o‘rtasidagi o‘yin 3:1 hisobida yakuniga yetdi.
Uchrashuvni ikki jamoa ham ancha faol boshladi. O‘yinning 4-daqiqasidayoq Bemford sobiq jamoasiga gol urib, mehmonlarni oldinga olib chiqdi. 27-daqiqada Jeymsning qanotdan uzatgan to‘pini Jiru darvozaga joylab, hisobni tenglashtirdi.
Ikkinchi bo‘limning 61-daqiqasida burchakdan uzatilgan to‘pni Zuma bosh bilan Melye qo‘riqlab turgan darvozaga to‘g‘rilab qo‘ydi.
Uchrashuvga qo‘shib berilgan daqiqalarda Vernerning uzatmasidan keyin Pulishich gol urib, o‘yinga so‘nggi nuqtani qo‘ydi.
Shu tariqa, "Chelsi" mazkur g‘alabadan keyin 22 ochko bilan peshqadamga aylanib oldi. "Lids" esa 14 ochko bilan 12-o‘rinda qoldi.
Chelsi – Lids 3:1
Gollar: 0:1 – 4 Bemford, 1:1 – 27 Jiru, 2:1 – 61 Zuma, 3:1 – 90+3 Pulishich .
Chelsi – Mendi, Djeyms, Zuma, Chiluell, Tiago Silva, Xaverts (Kovachich, 67), Kante, Maunt, Ziyesh (Pulishich, 30), Verner, Jiru (Abraxam, 79).
Lids – MelYE, Dallas, Eyling, Kuper, Kox (Lyorente, 9), Xarrison (Poveda, 57), Klix, Rafinya, Fillips, Alioski (Rodrigo, 69), Bemford.
Ogohlantirishlar: Lyorente (74).
