Англия чемпионатининг 11-туридан ўрин олган "Челси" ва "Лидс" жамоалари ўртасидаги ўйин 3:1 ҳисобида якунига етди. 

Учрашувни икки жамоа ҳам анча фаол бошлади. Ўйиннинг 4-дақиқасидаёқ Бэмфорд собиқ жамоасига гол уриб, меҳмонларни олдинга олиб чиқди. 27-дақиқада Жеймснинг қанотдан узатган тўпини Жиру дарвозага жойлаб, ҳисобни тенглаштирди.

Иккинчи бўлимнинг 61-дақиқасида бурчакдан узатилган тўпни Зума бош билан Мелье қўриқлаб турган дарвозага тўғрилаб қўйди. 

Учрашувга қўшиб берилган дақиқаларда Вернернинг узатмасидан кейин Пулишич гол уриб, ўйинга сўнгги нуқтани қўйди.

Шу тариқа, "Челси" мазкур ғалабадан кейин 22 очко билан пешқадамга айланиб олди. "Лидс" эса 14 очко билан 12-ўринда қолди.

Челси – Лидс 3:1 

Голлар: 0:1 – 4 Бэмфорд, 1:1 – 27 Жиру, 2:1 – 61 Зума, 3:1 – 90+3 Пулишич .

Челси – Менди, Джеймс, Зума, Чилуэлл, Тиаго Силва, Хавертц (Ковачич, 67), Канте, Маунт, Зиеш (Пулишич, 30), Вернер, Жиру (Абрахам, 79).

Лидс – Мелье, Даллас, Эйлинг, Купер, Кох (Льоренте, 9), Харрисон (Поведа, 57), Клих, Рафинья, Филлипс, Алиоски (Родриго, 69), Бэмфорд.

Огоҳлантиришлар: Льоренте (74).